| # | Команда | О | Ұ |
|---|---|---|---|
| 1 |
 Ордабасы
|
18 | 43 |
| 2 |
 Қайрат
|
19 | 42 |
| 3 |
 Оқжетпес
|
18 | 30 |
| 4 |
 Астана
|
17 | 29 |
| 5 |
 Ақтөбе
|
18 | 28 |
| 6 |
 Улытау
|
18 | 27 |
| 7 |
 Елімай
|
17 | 26 |
– Бұл стадионға қайта оралғанымызға қуаныштымыз. Дәл осы жерде 2023 жылы клуб тарихында алғаш рет Конференциялар лигасының топтық кезеңіне жолдама алдық. Бұған дейін Чемпиондар лигасы мен Еуропа лигасының топтық кезеңдерінде ойнадық, алайда Конференциялар лигасындағы тарихи жетістік дәл осы жерде, «Партизанимен» өткен матчтан кейін тіркелді.
Ертең бізді мүлде басқа ойын күтіп тұр. Қарсыласымыз – басқа албаниялық команда, өте мықты ұжым. «Динамо Ситидің» қаншалықты сапалы ойын көрсететінін жақсы білеміз. Олардың бас бапкерін де жақсы танимын, бұған дейін оның командасына қарсы «Балканимен» кездескенмін. Бұл – допты бақылағанды ұнататын команда. Біздің статистика бойынша, өз чемпионатындағы осы көрсеткіш бойынша үздік ұжым.
Қарсылас алғашқы минуттардан-ақ қысым жасап, өз ойынын таңуға тырысады деп күтеміз. Біздің міндетіміз – қолдан келгеннің бәрін жасап, бұл жерден өзіміз үшін қолайлы нәтижемен қайту.
Әрине, мұнда жету оңай болған жоқ. Жолға шамамен 18 сағат кетті, қайтар жол да сонша уақыт алады. Бірақ мен футболшыларға мұның ешқандай жағдайда сылтау болмауы керектігін айттым. Біз «Астана» мен Қазақстанның намысын қорғаймыз, сондықтан өз жұмысымызды лайықты деңгейде атқаруға тиіспіз.
Құрамдағы жағдай туралы маусым басында-ақ айтқан болатынбыз. Қаржылық қиындықтарға байланысты өткен жылы бізбен бірге болған сегізге жуық ойыншы бүгінде командада жоқ. Бірақ қазіргі құрамдағы футболшылар өздеріне жүктелген жауапкершілікті жақсы түсінеді. Біз оларды осы матчқа психологиялық әрі физикалық тұрғыдан барынша дайын күйде алып келуге тырыстық. Клубтағы барлық мәселелерді футбол алаңының сыртында қалдыруға тырысамыз. Олардың ойынға әсер етуіне жол бергіміз келмейді.
Иван Башич командаға кеше кешке ғана қосылды. Оның соңғы кезеңі өте қарбалас өтті: ұлттық құрамамен ұзақ турнирге қатысты, бірнеше рет ұшып, уақыт белдеулерін ауыстырды. Үйіне оралғаннан кейін небәрі бірнеше күн ғана демалды, сондықтан бұл үзіліс оған қажет болды. Ол бір айдан астам уақыт ұлттық құраманың сапында болды. Қазір клубтағы алғашқы жаттығуын ғана өткізді. Әзірге толық дайын емес. Оны бірден негізгі құрамда алаңға шығару белгілі бір тәуекелге әкелуі мүмкін.
