| # | Команда | О | Ұ |
|---|---|---|---|
| 1 |
 Ақтөбе
|
4 | 10 |
| 2 |
 Қызылжар
|
5 | 8 |
| 3 |
 Ордабасы
|
5 | 8 |
| 4 |
 Тобыл
|
4 | 8 |
| 5 |
 Қайрат
|
5 | 8 |
| 6 |
 Астана
|
5 | 7 |
| 7 |
 Елімай
|
4 | 7 |
Денсаулығына байланысты Михаил Ильич Гурман «Астана» футбол клубының бас директоры қызметін босатты.
«Астана» ПСК бас директоры Асқар Баталов Михаил Гурманға спортты дамытуға қосқан үлесі үшін ҚР Мəдениет жəне спорт министрі Ақтоты Райымқұлованың атынан медаль мен Алғыс хат табыстады.
«Біз Михаил Ильичтің клубтың дамуына қосқан зор үлесін жоғары бағалаймыз. Ол «Астана» клубына ұзақ уақыт бірінші басшы болмаған тұста, дағдарыс кезінде келіп, өзіне артылған міндетті абыройлы атқарып шықты. Ол «Астананың» барлық матчтарында арнайы қонағы болып қала береді», - деді Асқар Болатұлы.
«Астана» клубы М.Гурманның жетекшілігімен 2019 жылы Қазақстан чемпионатында алтын медальды, 2020 жылы қола медальға қол жеткізді. Сондай-ақ 2019 және 2020 жылы Қазақстан Суперкубогын жеңіп алып, 2019-2020 жылғы Еуропа Лигасының топтық кезеңіне шықты.
«Осы екі жыл ішінде клубқа, ұжымға, командаға, бапкерлер штабына және жанкүйерлерге алғысым шексіз! Мен футбол клубын әрдайым тірі ағзаға теңейтінмін, клубтың табысы әр бөлімнің, әр органның жұмысына байланысты! Біз үшін 2020 жыл оңай болмады, субъективті себептерге байланысты алға қойған мақсаттарымызға жете алмадық. Бірақ 2021 жылы өз орнымызға қайта оралатынымызға сенімдімін», - деді М.Гурман ұжыммен қоштасқанда.
«Астана» футбол клубы Михаил Ильичке клуб жетістігіне қосқан өлшеусіз үлесі үшін алғыс білдіріп, болашақта зор денсаулық пен толағай табыс тілейдi.
