| # | Команда | О | Ұ |
|---|---|---|---|
| 1 |
 Қайрат
|
24 | 47 |
| 2 |
 Астана
|
24 | 46 |
| 3 |
 Ордабасы
|
23 | 39 |
| 4 |
 Тобыл
|
23 | 39 |
| 5 |
 Ақтөбе
|
22 | 37 |
| 6 |
 Елімай
|
23 | 37 |
| 7 |
 Атырау
|
23 | 32 |
— Тигран, Сіз қаңтар айында ресми түрде «Астана» футбол клубының ойыншысы атандыңыз. Қазір маусым айының ортасына жақындадық. Алайда, жаңа командаңыздың сапында көп ойын өткізіп үлгерген жоқсыз. Ұзақ мерзімдегі үзіліс психологиялық тұрғыда қаншалықты қиын болды?
— Маған мүлде қиын болған жоқ. Тіпті, бәрі керемет болды дей аламын (күледі).
— Ал физикалық тұрғыда? Карантин кезінде спорттық бабыңызды сақтау үшін жаттығу жұмыстарын жасадыңыз ба?
— Иә, мен жаттығудан қол үзген жоқпын. Барлығы жақсы болды.
— Карантиннен кейін қаламен танысып үлгердіңіз бе? Ұнады ма?
— Мен осыған дейін бұл қалада болғанмын. Қаланы өте жақсы білемін десем артық айтқандық емес.
— Қызылордамен салыстыруға келмейтін шығар?
— Қызылорда өзінше әдемі, астананың өзіне тән ерекшелігі бар.
— Премьер-Лига турнирі қысқарды. Енді үш айналымның орынына тек екі айналым өтеді. «Ертіс» командасының чемпионаттан шығып қалуына байланысты ойындар саны да азаяды. Демек, жеңіс үшін берілетін қосымша бонустар саны да қысқарады деген сөз... Сіз үшін қаншалықты өкінішті?
— Дүние-мүлік бізді бай етпейді. Менің байлығым отбасым, достарым және менің өмірім. Міне, менің байлығым осында.
— Жеке Сіз үшін жанкүйерлерсіз ойнау қаншалықты қиын болмақ?
— Шынын айтсам, білмеймін. Мен жаңа командамның үйдегі стадионында әлі де ойнап көрген жоқпын. Бұл жақта ойынды көруге қанша жанкүйер келетінін де нақты айта алмаймын.
— Короновирусқа байланысты ұзақ мерзімдегі үзіліс Қазақстан Премьер-Лигасының қорытынды нәтижесіне өз әсерін беруі мүмкін бе?
— Тек бір ғана дүние айтайын: ештеңе де кездейсоқ болмайды. Барлығы Құдайдың қалауымен.
— «Астана» жыл басында Суперкубокқа қол жеткізіп үлгерді. Осы маусымда қай ұжым чемпионатта топ жарып, ҚР Кубогында жеңіске жетеді деп ойлайсыз?
— Бұл команда біз боламыз деген үміттемін. Сол үшін қолдан келгеннің барлығын жасауға тырысамын.
«Астана» футбол клубының бас серіктесі «Самұрық-Қазына» АҚ.
